Plantun de Prouvènço

Pèr coumpara dos planto d'encò nostre

Maianthemum bifolium & Lilium pomponium

Maianthemum bifolium

Asparagaceae Liliaceae

Noms en français : Maïanthème à deux feuilles, Petit Muguet.

Descripcioun :
Lou maiantème es uno planto pulèu raro au nostre que trachis dins li sòu umide, souto li faiard e li roure ; s'atrovo soulamen dins li relarg de mountagno, e encaro pas d'en pertout. Coume soun noum latin lou dis, l'enflourejado èi pourtado pèr uno cambo ounte s'estacon dos fueio (uno souleto pèr li tijo esterlo). Trachis en coulounìo bonodi soun rizoumo. Douno un fru rouge picouta .

Usanço :
Es uno planto empouisounanto, majamen li fru. Emé li fueio, emé retengudo, sarié poussible de n'en faire de tisano pèr lucha contro li mau de garganto en gargarisme o coume espetourant. La planto sarié utilisado, peréu, contro li mau de tèsto e coume tounico pèr li ren.

Port : Erbo
Taio : 8 à 15 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Maianthemum
Famiho : Asparagaceae
Famiho classico : Liliaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 2 mm
Flourido : Printèms

Sòu : Si (Ca)
Autour basso e auto : Pancaro entresigna
Aparado : Noun
Mai à jun

Liò : Faio - Blachiero - Pinèdo umido
Estànci : Mountagnard à Subaupen
Couroulougi : Bourealo
Ref. sc. : Maianthemum bifolium (L.) F.W.Schmidt, 1794

Ile(-de-Poumpoune)

Lilium pomponium

Liliaceae

Àutri noum : Iéri, Lile.

Noms en français : Lis turban, Lis de Pompone.

Descripcioun :
Poulit ile arange que vèn bèn, en basso mountagno, dins li pendis roucassous, de coumpagno emé lou genestoun Genista cinerea. Ei pas poussible de s'engana.

Usanço :
Es uno meno aparado que fau pas culi.